Bydd y cynghorydd Datblygu Adnoddau Dynol yn gweithio, am ddim, i’ch helpu chi i asesu anghenion megis ymagwedd at hyfforddiant, anghenion hyfforddi yn unol ag amcanion busnes a chymorth tuag at ennill gwobr Buddsoddwyr Mewn Pobl.

Yn ogystal, bydd y cynghorydd Datblygu Adnoddau Dynol yn llunio cynllun dysgu cytunedig yn seiliedig ar anghenion hyfforddi a datblygu a nodwyd. Os nad oes modd bodloni’r anghenion hyn trwy’r 12 darparwr datblygu hyfforddiant arweinyddiaeth a rheolaeth a gymeradwyir gan Lywodraeth Cymru, mae’n bosibl y bydd cymorth ariannol dewisol ar gael. Trwy’r llwybr cymorth ariannol dewisol, bydd Llywodraeth Cymru’n cynnig cymhorthdal, gwerth hyd at 50%, i dalu am yr hyfforddiant a gytunwyd fel rhan o’r cynllun dysgu (hyd at derfynau penodol).

Pwy sy’n gymwys?

• Busnesau sydd â mwy na 10 o weithwyr;
• Busnesau yn y sector preifat – yn amodol ar fodloni meini prawf cymhwyster;
• Mae’n bosibl i fusnesau yn y sector cyhoeddus gael cymorth cynghorydd Datblygu Adnoddau Dynol ar gyfradd â chymhorthdal, ond ni fyddant yn gymwys i gael y cymorth ariannol dewisol;
• Ni fydd busnesau sydd eisoes wedi’u cymeradwyo yn Fuddsoddwyr Mewn Pobl yn gymwys am gymorth ariannol dewisol. Fodd bynnag, mae croeso iddynt ddefnyddio’r llwybr cais uniongyrchol.

I weld os ydych yn gymwys ac am fwy o wybodaeth, ewch i wefan ARhC neu cysylltwch â Llinell Boeth Sgiliau Busnes ar 0845 60 661 60 neu anfonwch neges e-bost at businessskillshotline@wales.gsi.gov.uk. I’r rheiny nad ydynt yn gymwys i gael cymorth ariannol dewisol, mae croeso i chi ddefnyddio’r llwybr cais uniongyrchol.